பித்துக் கெளுத்தி

உயிர்மை பதிப்பக வெளியீடு : 848

ஒரு கவிஞர் தரிசிக்கும் அத்தனைக் காட்சிகளிலும், உணர்வுகளிலுமே ஒரு கவிதை விரிவதற்கான அழுத்தப் புள்ளி திணறிக்கொண்டிருக்கிறது என்றே நினைக்கிறேன். என்னுடைய கவிதைகள் பெரும்பாலும் என் அகத்தில் விரிந்த பிரபஞ்சத்தின் மணமாகவே இருக்கின்றன. தன் உடல் முழுவதும் சுவை நரம்புகளைக் கொண்ட ஒரு கெளுத்தி மீனாய் என்னுள் விரிந்த சமுத்திரத்தை ரசித்துச் சுவைத்து அதில் நீந்திக் களித்துச் சிதறிய சிறு நீர்த் துளிகளைத்தான் உங்களுக்குக் கவிதையாகப் படைத்திருக்கிறேன். நீங்களும் ரசித்துக் களிக்க இதோ இந்தப் பித்துக் கெளுத்தியின் அதரக்குவியல்.