Sale!

ஆர். அபிலாஷின் இரு புதிய நூல்கள்

ஆர்.அபிலாஷ்

150.00 120.00

1. நான் ஏன் புதிய கல்விக்கொள்கையை எதிர்க்கிறேன்?

2. ரஜினிகாந்த்

In stock

Description

1. நான் ஏன் புதிய கல்விக்கொள்கையை எதிர்க்கிறேன்?

இந்த தேசிய கல்விக் கொள்கையின் பிரச்சனையே பிரதானமாய் இதன் அரசியல் தான்.  நாம் இவ்வளவு மூர்க்கமாய் இதை எதிர்க்கக் காரணமும் நமது அரசியல் தான். குறிப்பாய், மும்மொழிக் கொள்கை, மாநிலத்தின் கல்வி உரிமைகளைப் பறித்து, நம்மை மத்தியில் உள்ள அமைச்சர்கள் மற்றும் அவர்களின் செயலர்களின் இமையசைவுக்கு காத்து கைகட்டி நிற்க வைக்கும் இதன் நோக்கம், தனியார் பள்ளிகளைப் பின்பற்றி சிறார்களைக் கடுமையாய் ஒடுக்குகிற தேர்வு முறைமைகளை இது கொண்டு வருவது மற்றும் பாடத்திட்டத்தினுள் தொழிற்கல்வி எனும் பெயரில் இது கொண்டு வரும் அபத்தமான மாற்றங்கள் போன்றவை, இக்கொள்கை கொண்டு வரும் சிக்கல்கள். இவை விரிவாக இந்நூலில்  அலசப்பட்டுள்ளன. இச்சிறிய நூல் இந்த மோசமான அரசியலை அலச, விவாதிக்க, அம்பலப்படுத்த எழுதப்பட்ட ஒன்று. அதே நேரம் இந்தக் கல்விக்கொள்கையின் சில சாதகமான அம்சங்களையும் குறிப்பிட வேண்டிய கடமையையும் உணர்ந்து முன்வைக்கிறது.  ஒரு திறந்த விவாதத்துக்கான அழைப்பு இது.

 

2. ரஜினிகாந்த்

“ரஜினி என்றால் என்ன? ஸ்டைல், மாஸ், வசூல், சூப்பர் ஸ்டார். ஆனால் அது மட்டுமே அல்ல ரஜினி. பொதுவாக ரஜினியின் ஸ்டைல், ஊடக பிம்பம், செல்வாக்கு, ரசிக பலம் பேசப்பட்ட அளவுக்கு அவரது நடிப்புத்திறன் கவனிக்கப்படவில்லை என்பது ஒரு இழப்பு. இந்நூல் கவனிக்கப்படாத ஒரு பக்கத்தின் மீது வெளிச்சம் பாய்ச்சுகிறது. ரஜினி தனது சூப்பர் ஸ்டார் பிம்பத்துக்கு அப்பால் எப்படி ஒரு மகத்தான, சாமர்த்தியமான நடிகராக இருக்கிறார், அவர் தனது உடல்மொழி, சைகைகள், திரைச் சட்டகத்தில் தன் இருப்பு ஆகியவற்றை எப்படி பயன்படுத்துகிறார், பாத்திர அமைப்பில் எப்படி ஒரு தொடர்ச்சியை நுட்பமான மாற்றங்களின் ஊடாகத் தக்க வைக்கிறார், எதிர்காலத்தில் வரப் போகும் காட்சிக்கு எப்படி பார்வையாளனை துவக்க காட்சி ஒன்றில் நுணுக்கமாய் தயாரிக்கிறார், ரஜினியின் நடிப்புத் தத்துவம் எப்படியானது, அதில் ஒரு தனித்த இந்தியத் தன்மை உள்ளதா, அதன் தத்துவப் பரிமாணம் என்ன எனப் பல விஷயங்களை விவாதிக்கிறது. இன்னொரு பக்கம் ரஜினியின் சமூக அரசியல் வாழ்வின் பரிமாணங்களையும் அலசுகிறது. ரஜினி ரசிகர்களுக்கு மட்டுமல்ல , தமிழ் சினிமாவைப் பின் தொடரும் அத்தனை பேருமே தவற விடக் கூடாத நூல் இது.

Additional information

Weight 0.20 kg
Dimensions 100 × 140 × 210 cm

Reviews

There are no reviews yet.

Be the first to review “ஆர். அபிலாஷின் இரு புதிய நூல்கள்”

Your email address will not be published. Required fields are marked *